Дар ин анҷуман 8 тан аз намояндагони Ҷумҳурии Тоҷикистон, аз ҷумла устодони макотиби олӣ, намояндагони ҷомеаи шаҳрвандӣ ва журналистон иштирок доштанд.

Бино ба гуфтаи Илҳом Ҷамолиён, раиси созмони Иттифоқи журналистони Тоҷикистон дар вилояти Суғд ҷунин анҷуман бори аввал баргузор шуд ва зарурати афзоиши саводи расонаиро дар миёни қишрҳои мухталифи аҳолии минтақа ба миён гузошт.

"Дар ҳоле, ки ҳодисаҳои гаравидани ҷавонон ба созмонҳои тундрав ва эктремистию террористӣ ҳамоно дар ин минтақа бештар ба назар мерасад, яке аз омилҳо ин паст будани сатҳи саводи расонаӣ аст. Афзоиши маърифат ва саводи расонаӣ имрӯз мустақиман ба пешгирии ҳодисаҳои гаравидани ҷавонон ба сафи созмонҳои ифротгаро мусоидат хоҳад кард. Тоҷикистон дар муқоиса бо кишварҳои ҳамҷавори худ дар масъалаи пешбурди маърифати расонаӣ то ҳадде қафо мемонад, ки ба назар мерасад, бояд ислоҳ гардад",- гуфт Илҳоми Ҷамолиён.

Дар ин анҷуман иштирокдорон таҳти сарварии устондон аз кишварҳои Литва, Қирғизистон, Русия ва Украина лоиҳаҳои маъифатиро дар мавзӯи саводи расонаӣ таҳия ва барои баррасӣ пешкаш намуданд.



#эдьютон #медиаграмотность #саводирасонаӣ #медиасавод