Суггестио чист ва аз он дар кадом маврид истифода мекунанд?

Усули суггестио бахусус нисбат ба одамоне, ки сатҳи фикронии интиқодиашон паст аст, бисёр хуб таъсир мекунад. Зеро барои он ки дар зеҳни шахси муайян фикр ё идеяе ҷой шавад, ҳеҷ гуна далел ва исбот лозим намешавад. 

Инҷо якчанд намунаи ин усулро дида мебароем: 

-пешниҳоду таъсиррасонӣ тавассути рӯҳбаландсозии шахсият. Барои мисол истифодаи ифодаҳои фармоишии мазкур: “Амал кун!” “Ту метавонӣ!” “Ту ин корро мекунӣ!” 

-таҳмил ва таъсиррасонии равонӣ бо кӯмаки ишораҳо ва суханрониҳои нафарони бонуфуз, “пешвоёни андеша”. Вақте одамон маълумотеро қабул мекунанд, ки на дар асоси исбот, балки нуфузи манбаъ асос ёфтааст. Яъне ба нафарони маъруф новобста ба он ки ӯ коршиноси маҳсулоти тарғибкунанла нест, эътимод мекунанд; 

-таҳмил ва таъсиррасонии равонӣ тавассути ишора ба фард: “Мо аз Шумо ғамхорӣ мекунем”. 

-таҳмил ва таъсиррасонии равонӣ ба воситаи намоиши сатҳи баланди боварӣ. Барои мисол: “Бо як бор истифода аз он, Шумо ҳеҷ гоҳ маҳсулоти дигарро харидорӣ намекунед”. 

-таъсиррасонӣ ба воситаи такрор -таъсиррасонӣ ба воситаи вижагии сухан ва суръати баён, “аз ҳааааааама таъми нафис!” ва ғайра

Усулҳои суггестио дар соҳаҳои гуногун васеъ истифода мешавад: равоншиносӣ, тиб, сиёсат, ВАО, реклама ва ғайра. Ҳамчунин он метавонад бо истифода аз доруҳо ва усулҳои махсус ба ҳолати шоду нерӯмандӣ, бехудӣ, ё хоб оварда расонад.

Муҳим, фарқ намоед, ки суггестио метавонад, мусбат ҳам бошад. Тавассути ин усул ҳар гуна фобия, тарс ва нобоварии шахс табобат мешавад. 


Манбаъ: Се нуқта